Mbappedan foydalanib qolishmoqchi
Bu uning “Real”ga o‘tishi bilan bog‘liq.
“Real” kelasi mavsum oldidan tarkibiga «PSJ» hujumchisi Kilian Mbappeni qo‘shib olishi kutilmoqda. Agar 25 yoshli forvard Madridga keladigan bo‘lsa, “Qirollik klubi” tarkibda muayyan o‘zgarishlarni amalga oshirishiga to‘g‘ri keladi.
Aniqroq aytganda, hujum chizig‘i vakillaridan kimdir o‘rnini Mbappega bo‘shatib beradi. Katta ehtimol bilan madridliklar Rodrigoning o‘yin vaqtini cheklaydi.
Bu vaziyatdan bir necha klublar foydalanib qolmoqchi. Xabarlarga ko‘ra, Angliya grandlaridan “Manchester Yunayted”, “Manchester Siti”, “Arsenal” va «Liverpul» Rodrigo Goesni o‘z safiga qo‘shib olishni ko‘zlayapti.
23 yoshli braziliyalik futbolchi “Real”ga 2019 yili olib kelingan. Rodrigo hujum chizig‘ining turli nuqtalarida o‘ynay oladi.
