Istanbuldagi turarjoyda yirik yong‘in yuz berdi
Oqibatda 20 dan ortiq odam halok bo‘lgan.
Istanbulning Shishli tumanidagi 16 qavatli binoning birinchi qavatida joylashgan tungi klubda yong‘in sodir bo‘ldi. Bu haqda Hürriyet gazetasi xabar berdi.
Qayd etilishicha, klub Ramazon oyi munosabati bilan faoliyat yuritmayotgan edi.
"Yong‘in sababi nomaʼlum, birinchi qavatda taʼmirlash ishlari olib borilayotgan edi, halok bo‘lganlarning barchasi tungi klubni taʼmirlayotgan ishchilar bo‘lgan", — deya maʼlum qildi provinsiya gubernatori Dovut Gul matbuot bayonotida.
Biroq rasmiylar yong‘indan oldin portlash sodir bo‘lgani haqidagi xabarlarni tasdiqlamadi.
