"Men bu maqsadni amalga oshirish uchun bor kuchim bilan harakat qilaman"
Mbappe "Oltin to'p"ni qo'lga kiritish istagi haqida gapirdi.
"Real Madrid" va Fransiya terma jamoasi hujumchisi Kilian Mbappe "Oltin to'p"ni olish istagi haqida gapirdi.
“Bu har doim mening xohishim. Bolaligimda bir kun kelib top o'yinchi bo'lishni xohlardim. Men bu maqsadni amalga oshirish uchun bor kuchimni berib, astoydil harakat qilaman. Chunki bu mening ishim va hayotimning bir qismi: zavqni yo'qotmasdan doimiy ravishda yaxshilanish kerak", - dedi Mbappe.
Oldinroq Madridning “Real” klubi Kilian Mbappe transferini e'lon qilgan edi. Fransiyalik futbolchining klub bilan shartnomasi 2029-yilgacha amal qiladi.
