Parij Olimpiadasiga boradigan 3 nafar yoshi katta futbolchining nomi ma'lum bo'ldi
Bosh murabbiy Timur Kapadze bu borada bir to‘xtamga kelgan.
O‘zbekiston Olimpiya terma jamoasi Parij Olimpiadasida ishtirok etadi. Ushbu musobaqada 23 yoshdan katta 3 futbolchini tarkibga qo‘shish imkoniyati mavjud.
Bosh murabbiy Timur Kapadze ushbu 3 nafar futbolchilar borasida bir to‘xtamga kelgan.
Ma’lumotlarga qaraganda, bosh murabbiy Eldor Shomurodov (“Roma”), Oston O‘runov (“Persepolis”), Akmal Mozgovoy (“Nasaf”) kabi futbolchilarni Olimpiya jamoasi tarkibiga jalb qiladi. Ushbu 3 nafar yoshi katta futbolchi ro‘yxati “Nasaf” himoyachisi Alibek Davronovning jarohati qay darajada jiddiyligi va davolanish davomiyligiga qarab o‘zgarish ehtimoli mavjud. Yaʼni, yuqoridagi futbolchilardan biri markaziy himoyachi (katta ehtimol bilan Husniddin Aliqulov)ga almashtirilishi mumkin.
