Qaysi futbolchilar Yevro-2024 yarim finalini o'tkazib yuborishadi?
Ispaniyada katta muammolar bor.
Yevro-2024ning yakunlanishiga hama sanoqli kunlar qoldi. Bizni oldinda Ispaniya – Fransiya va Gollandiya – Angliya uchrashuvlari kutib turibdi. Bunday o'yinlarda barcha yuqori darajadagi bahslarni kutadi. Ayrimlar esa maydonda eng zo'r futbolchilarni ko'rishni istaydi. Lekin, afsuski, hamma futbolchilar ham doim bunday imkoniyatga ega bo'lavermaydi. Sabablari diskvalifikatsiya va jarohatlardir. Xo'sh, 1/2 final bahslarini kimlar o'tkazib yuboradi?
Robin Le Normant, Daniel Karvaxal, Daniel Vivian va Alvaro Morata Germaniyaga qarshi Yevro chorak finali oldidan diskvalifikatsiya qilingan edi. Shu sababli ular yarim finalni o'tkazib yuborishadi. OAV Morata zahirada o'tirganida sariq kartochka olgani haqida xabar tarqatgandi. Biroq, so'nggi soatlarda bu ma'lumotlar noto'g'ri bo'lib chiqdi. Demak, hujumchi Fransiyaga qarshi maydonga tushishi mumkin. Ispaniya uchun yana bir muammo bor. Bu Pedrining jarohati. Germaniya bilan uchrashuv boshida Toni Kroos unga jarohat yetkazdi. Shu sababli yarim himoyachi almashtirilgandi va 21 yoshli futbolchi turnirda boshqa ishtirok etolmaydi. De la Fuente uchun yana bir muammo.
Fransiyada Usmon Dembele, Kilian Mbappe, Antuan Grizmann va Aurelien Chuameni diskvalifikatsiya qilinish xavfi ostida. Lekin ularning hech biriga Portugaliya bilan uchrashuvda sariq kartochka ko'rsatilmadi. Shu bois, Dide Desham Ispaniya bilan o'yinda barchaga, jumladan diskvalifikatsiya muddatini o'tab bo'lgan Adrien Rabyoga ham ishonishi mumkin.
Yoei Verman, Yerdi Shouten, Denzel Damfris, Donyel Malen sariq kartochka olishgan taqdirda yarim finalni o'tkazib yuborishlari mumkin edi. Ammo Gollandiya Turkiya bilan o'yinda g'alabani qo'lga kiritdi va futbolchilarning birontasi kartochka olmadi. Demak, Angliyaga qarshi o'yinda Ronald Kuman tarkibdagi istalgan futbolchidan foydalanishi mumkin bo'ladi.
Inglizlar uchun Kiran Trippier, Kobbi Maynu, Konor Gallager, Jud Bellinghem va Fil Fodenning hisobida bittadan sariq kartochka bor. Angliyaning oxirgi o'yinida faqat Harri Keyn ogohlantirish oldi. Bu Sautgeyt uchun yaxshi yangilik emas.
