Fayzullayev ham Fransiyaga yo‘l oldi
Bu haqda Rossiya klubi matbuot xizmati xabar berdi.
Xabaringiz bor, O‘zbekiston olimpiya terma jamoasi bugun tongda 2024-yilgi Olimpiada o‘yinlariga tayyorgarlik ko‘rish uchun Fransiyaga jo‘nab ketdi.
Legionerimiz Abbosbek Fayzullayev ham O‘zbekiston terma jamoasi joylashgan joyga jo‘nab ketdi. Bu haqda "armiyachilar" klubi matbuot xizmati xabar berdi. Avvalroq, "Rubin" klubi yarim himoyachi Umarali Rahmonaliyev olimpiya terma jamoamiz ixtiyoriga jo‘nab ketganini e’lon qilgan edi.
Eslatib o‘tamiz, futbol bo‘yicha Olimpiya turniri 24-iyuldan 9-avgustgacha bo‘lib o‘tadi. O‘zbekiston terma jamoasi guruh bosqichida Ispaniya, Misr va Dominikan Respublikasi jamoalari bilan o‘ynaydi.
