Yevro-2024. Ispaniya — to‘rt karra Yevropa chempioni!
Yevropa chempionati finali doirasida Ispaniya Angliyani mag‘lub etib, qitʼada tengsiz bo‘ldi.
Bir oy davom etgan turnir finali Berlindagi “Olimpiashtadion”da o‘tkazildi. Hal qiluvchi bahsning birinchi bo‘limi ispanlar ustunligida o‘tgan bo‘lsa-da, hisob ochilmadi. Ikkinchi bo‘lim boshida esa Niko Uilyamsning golidan keyin stadion larzaga keldi – 1:0.
70-daqiqada zaxiradan maydonga tushgan Koul Palmer uch daqiqa o‘tib, kuchli zarbasi bilan farqni tenglashtirdi – 1:1.
O‘yin yakuniga yaqin ispanlar safida zaxiradan maydonga tushgan Oyarsabal 86-daqiqada gol urib, Ispaniyaga qitʼa chempionligini keltirdi – 2:1.
Shu tariqa, Angliya ketma-ket ikkinchi Yevro finalida mag‘lubiyatga uchragan bo‘lsa, Ispaniya o‘z tarixida 4-marta qitʼa chempioni bo‘ldi va bu borada rekordchiga aylandi.
Ispaniya – Angliya 2:1
Gollar: 1:0 – 47 Uilyams, 1:1 – 73 Palmer, 2:1 – 86 Oyarsabal.
Ispaniya – Unai Simon, Karvaxal, Laport, Le Norman (Nacho, 83), Kukurelya, Fabian Ruis, Rodri (Subimendi, 46), Olmo, Uilyams, Yamal (Merino, 89), Morata (Oyarsabal, 68).
Angliya – Pikford, Uoker, Stounz, Gexi, Shou, Rays, Foden (Touni, 89), Bellingem, Maynu (Palmer, 70), Saka, Keyn (Uotkins, 61).
Ogohlantirishlar: Keyn (25), Olmo (31), Stounz (53), Uotkins (90+2).
