Sautgeyt lavozimini tark etdi
Uning o'rnini kim egallashi mumkin?
Angliya terma jamoasi bosh murabbiyi o'z lavozimini tark etdi. Bu Sautgeytning o'z qarori sifatida taqdim etilgan. Ko'rinishidan, rahbariyat shartnomani uzaytirmoqchi bo'lgan, ammo murabbiy bunga rozi bo'lmagan. U OAV bosimidan charchagan bo'lishi mumkin. Bunday vaziyatda Sautgeytda o'zini nazorat qilolmayotganini his qilishi mumkin va u shuning uchun ketishni afzal deb topgan.
Sautgeytga har doim g'alati munosabatda bo'lishgan va Yevro-2024 fonida u zamonamizning eng bahsli murabbiyiga aylandi. Sautgeyt haqidagi munozaralar odatda shunday bo'lib o'tdi.
Angliya zerikarli futbol ko'rsatdi. Ushbu himoyaviy o'yinni tomosha qilishning iloji yo'q. Bunday tarkib bilan "avtobus" qo'yish qanchalik asosli?
— Aslida futbol boshqacha bo'lishi mumkin. Himoyada o'ynash ham futbol. Sautgeyt bu uslub bilan yaxshi natijalarga erishdi: JCh-2018 yarim finali, Yevro-2020 finali, JCh-2022 chorak finali, Yevro-2024 finali.
Nima bo'lganda ham futbolda asosiy narsa sovrinlar. Sautgeytda ajoyib avlod va ikkita jahon chempionati bilan ikki yevro bor edi?
— Demak, Angliya Sautgeytgacha ham 50 yil davomida hech qanday sovringa ega bo'lmagan. Sven-Goran Eriksson ham yomon avlodga ega bo'lmagan. Unda Terri, Ferdinand, Lempard, Jerrard, Bekxem, Skoulz, Ouen Runi kabi futbolchilar bo'lgan.
Ushbu formatdagi bahslar hali ko'p davom etishi mumkin. Garchi Sautgeyt davri tez orada nostalji bilan esga olinsada. Murabbiy almashgani bilan Angliyada hammasi yaxshi bo'lib qolmaydi. Ishlarni tizimli amalga oshirish lozim bo'ladi.
Qaysidir ma'noda Angliya terma jamoasida Harri Keynning ruhiy holati ham ta'sir o'tkazishi mumkin. Unga kubok yetishmayapti. Bu allaqachon terma jamoa uchun ham asosiy masalaga aylangan va faqatgina murabbiyni almashtirish bilan vaziyat to'g'rilamaydi.
