O‘zbekistonda seysmik zaif bino-inshootlar soni maʼlum qilindi
Ayni paytda respublikada 42 mingga yaqin ko‘p kvartirali uylar mavjud bo‘lib, ularning 30 795 tasi (73 foiz) 1991 yilgacha qurilgan.
“Shaharsozlik renovatsiyasi to‘g‘risida”gi qonun loyihasi eʼlon qilindi.
Hujjatda Aytilishicha, bugungi kunda turar va noturar joy obyektlarining energotejamkorligini oshirish, yashil hududlarni ko‘paytirish, shaharlarning tashqi arxitekturaviy qiyofasini yangilash, avariya holatidagi va eskirgan obyektlarni buzish, qayta qurish jarayonlari hamda mulkdorlarning huquqlari himoyasini huquqiy jihatdan to‘g‘ri tartibga solish maqsadga muvofiq.
Maʼlumot uchun, ayni paytda respublikada 42 mingga yaqin ko‘p kvartirali uylar mavjud bo‘lib, ularning 30 795 tasi (73 foiz) 1991 yilgacha qurilgan, shundan 1032 tasi instrumental texnik ko‘rikdan o‘tkazish talab etiladigan, 223 tasi seysmik zaif bino-inshootlar ekani aniqlangan.
Shu bois, renovatsiya asosida uy-joy fondi obyektlarini meʼmoriy, iqtisodiy, ijtimoiy va ekologik jihatdan yangilash (renovatsiya qilish) zaruriyati yuzaga kelmoqda, deyiladi loyihada.
