Diyora Keldiyorova olimpiada finaliga chiqdi
U kamida kumush medalni naqd qildi.
Dzyudochi Diyora Keldiyorova yarim finalda Fransiyalik Amandin Byushardni mag‘lub etib, olimpiada finaliga yo‘l oldi.
O‘zbekistonlik sportchi yarim finalda mezbonlarning birinchi raqamli sportchisi, Olimpiya o‘yinlarining oltin va kumush medallari sohibi Amandin Busharni mag‘lubiyatga uchratishga muvaffaq bo‘lgan.
Shu tariqa, Keldiyorova kamida kumush medalni naqd qildi.
Eslatib o‘tamiz, Diyora Keldiyorova nimchorak finalda bir karra olimpiada va 4 karra jahon chempioni yaponiyalik Uta Abeni mag‘lub qilgan edi.
