Toshkentning ayrim tumanlari gazdan uziladi
Bunga ta'mirlash ishlari sabab qilib keltirilgan.
Toshkentning ikki tumanida gaz vaqtincha bo‘lmaydi. Qayd etilishicha, ta’mirlash ishlari tufayli Mirobod va Yakkasaroy tumanlarining quyidagi hududlariga 29 iyul kuni soat 10:00 dan 18:00 gacha tabiiy gaz yetkazib berish vaqtincha to‘xtatiladi.
Mirobod tumani:
"Baynalminal" MFY Nukus ko‘chasidagi 3 ta va Mironshoh 7-tor ko‘chasidagi 2 ta ko‘p qavatli uylardagi 280 ta xonadon;
Mironshoh, Oq yo‘l 1-berk va Mironshoh 8-tor ko‘chalaridagi 95 ta yerli xonadon;
Ulgurji iste’molchilar soni: 6 ta.
Yakkasaroy tumani:
"Damariq" MFY K.Beshyog‘och, A.Qahhor ko‘chalaridagi 35 ta ko‘p qavatli uylardagi 2420 ta xonadon;
Oq uy ko‘chasidagi 10 ta yerli xonadon;
Ulgurji iste’molchilar soni: 24 ta.
Ta’mirlash ishlari tugatilgandan so‘ng, tabiiy gaz ta’minoti qayta tiklanadi.
"Yuzaga kelayotgan noqulayliklar uchun gaz ta’minoti filiali iste’molchilardan uzr so‘raydi", - deyiladi xabarda.
