Parij Olimpiadasi chempioni ko‘chada tunni o'tkazdi

 

Italiyalik suzuvchi Tomas Chekkon Parijda 100 metrga chalqancha suzishda oltin medalni qo‘lga kiritdi. G'alabadan bir necha kun o'tgach, yigit uysiz odam kabi skameykaning orqasida o't ustida uxlayotgani aks etgan rasm tarmoqlarda keng tarqaldi. 23 yoshli italiyalik sportchi Tomas Chekkonni Olimpiya qishlog‘idagi maysada uxlab yotgan holda ko‘rishgan. Uni krossovkasini yechib, sochiqni ustiga yopib, skameykaning orqasidagi piyodalar yo'lkasi bo'ylab yotganini ko'rish mumkin.

 

Dam olayotgan Chekkonni saudiyalik eshkak eshuvchi Husayn Alirizo payqab qolgan. U videoni o'zining ijtimoiy tarmoqdagi sahifgasiga joylashtirdi va kinoyali izoh yozdi: "Bugun dam oling, ertaga g'alaba qozonasiz".

 

Ma'lum bo'lishicha, Tomas ko'chada uxlashining o'ziga yarasha sababi bor. Gap shundaki, italiyalik Olimpiya qishlog'ida sportchilar uchun yaratilgan sharoitlardan charchagan. 100 metrga chalqancha suzishda g‘alaba qozongan Chekkon 200 metr musofaga suzishda ijobiy natija qayd eta olmadi. Shundan so'ng u sportchilarning yashash sharoitlarini keskin tanqid qildi.

 

“Shaharchada konditsioner yo‘q, havo juda issiq, ovqat yomon. Shu sababdan ko'plab sportchilar sarson bo'lishmoqda. Avval yomg'ir yog'adi, keyin issiq bo'ladi, biz yetarlicha uxlolmayapmiz. Hovuzdagi suv esa juda sovuq. Biz bularning barchasidan charchadik”, - dedi italiyalik.

 

Olimpiya shaharchasi direktori Loran Mikoning ta'kidlashicha, agar sportchilar hali ham konditsionerga muhtoj bo'lsa, ular yaqinda unga ega bo'lishadi.