Alsgeymer kasalligiga qarshi sprey yaratildi
Hozircha u sichqonlarda sinovdan o‘tkazilmoqda.
Bir necha institutlardan yig‘ilgan neyrobiologlar guruhi alsgeymer kasalligining sichqon modellari miyasini zaharli tau oqsillaridan tozalaydigan burun spreyi terapiyasini ishlab chiqdilar.
Avvalgi tadqiqotlar shuni ko‘rsatgandiki, progressiv nevrologik buzilish kasalliklarning bir nechta turlaridan birini, jumladan alsgeymer mavjud bo‘lgan odamlarning ko‘pchiligida miyadagi mutatsiyalar va noto‘g‘ri qatlamlar tufayli tau tarkibiy oqsillari rivojlanadi.
Shu sababli, olimlar bunday oqsillarni zararlangan odamlarning miyasiga kirishini to‘xtatish yoki miyaga yetib borganidan keyin ularning miqdorini kamaytirish yo‘llarini izladilar. Afsuski, bunday harakatlar cheklangan muvaffaqiyatga erishdi.
Ushbu yangi tadqiqotda esa olimlar guruhi alsgeymer kasalligining odamlardagiga o‘xshash alomatlari bo‘lgan sichqonlarning miyasidan tau oqsillarini olib tashlaydigan burun spreyini yaratishdi.
Uni ishlatish natijasida tadqiqot guruhi sichqonlarda demensiya belgilari kamayganini aniqladi.
Sichqonlarning kelgusidagi sinovlari tau chigallari va burmalari darajasining va tau urug‘larining kamayganini ko‘rsatdi. Ular inson nerv to‘qimalarining namunalariga spreyni purkashda ham xuddi shunday natijalarga erishdilar.
Sprey odamlarda sinab ko‘rish uchun xavfsiz yoki yo‘qligini aniqlash uchun kelgusida qo‘shimcha tadqiqotlar o‘tkazish talab etiladi.
