Toshkentda Labo temir ustunga urilib, avariyaga uchradi
Hodisa oqibatida 43 yoshli erkak vafot etgan.
Maʼlum bo‘lishicha, YTH tongi soat 05:00 larda Yangihayot tumanida sodir bo‘lgan. O‘rganish ishlari davomida haydovchi rul boshqaruvini yo‘qotganligi sababli temir ustunga urilganligi aniqlandi.
Maʼlumotlarga ko‘ra, haydovchi 1993 yilda, yo‘lovchi esa 1981 yilda tug‘ilgan. Voqea joyiga tibbiyot xodimlari yetib borib, jarohatlangan shaxslarga yordam ko‘rsatgan.
“Joriy yilning 10 avgust sanasida Yangihayot tumani tez tibbiy yordam bo‘limiga avtohalokat bo‘yicha chaqirish tushdi. Hodimlarimiz tezkorlik bilan voqea joyiga yetib bordi. Ikki kishi tan jarohati olgan ekan. Yo‘lovchi hayot uchun xavfli bo‘lgan tan jarohatlari olganligi uchun, undan biologik o‘lim qayd etildi. Haydovchiga birinchi yordam ko‘rsatilgan”, — dedi shifokor.
Hozirda holat yuzasidan surishtiruv ishlari olib borilmoqda.
