“Real Madrid” 12 yoshli futbolchi bilan shartnoma imzoladi
U 13 yoshgacha bo‘lganlar jamoasida to‘p suradi.
12 yoshli belaruslik futbolchi Aleksey Mayorov “Real Madrid” klubi bilan shartnoma imzoladi.
Maʼlumotlarga ko‘ra, Aleksey mashhur futbol sulolasidan. Uning bobosi Aleksandr Kisten 1980 yillarda Minsk “Dinamosi” jamoasi tarkibida o‘ynagan.
Avvalroq Mayorov kataloniyalik Serdanyola safida to‘p surgan va 22 o‘yinda 59 ta gol urgan. OAV xabariga ko‘ra, hujumchiga Ispaniyaning “Barselona” va boshqa bir qator klublari ham qiziqish bildirishgan. Madridda rahbariyat transfer uchun 120 ming yevro to‘lashdi - bu yosh futbolchi uchun rekord summa hisoblanadi.
