"Bayer" chempionatni g'alaba bilan boshladi
Jamoa so'nggi daqiqalarda uch ochkoni qo'lga kiritdi.
"Bayer" Bundesliganing yangi mavsumini Myunxengladbaxning "Borussiya"si ustidan qozonilgan g'alaba bilan boshladi. Xames shogirdlari odatdagidek qo'shib berilgan vaqtda kiritilgan gol evaziga g'alabani qo'lga kiritdi.
Hammasi tasodifiy boshlandi. 12-daqiqada Granit Jaka o'zining “qurol”ini ishga solib, uchrashuvda hisobni ochdi. O‘yinning 38-daqiqasida Florian Virts vaziyatdan oqilona foydalandi. Tanaffus oldidan Tim Kleindienst bitta golli farqni yo'qqa chiqargandi, ammo VAR buni bekor qildi. Futbolchi qoidani buzgan deb topildi.
Tanaffusdan so‘ng “Borussiya” o‘ziga keldi. 59-daqiqada Niko Elvedi hisobni qisqartirdi. Uchrashuv tugashiga besh daqiqa qolganida esa Tim Kleindienst Kevin Styogerning ajoyib uzatmasidan so'ng hisobni 2:2 ko'rinishiga keltirdi.
Shundan so'ng, muxlislar o'yin mazkur natija bilan yakunlanishini taxmin qilgandi. Biroq, "Bayer" yana qaytdi. Qo'shimcha daqiqalarda to'liq ustunlik Alonso shogirdlari tomoniga o'tdi. Hujumlarning ko'pligi raqiblarning xatoga yo'l qo'yishiga olib keldi. Natijada Amina Adli jarima maydonchasi ichida yiqilib tushganidan keyin hakam penalti belgiladi. 90+11-daqiqada "Bayer" yana hisobda oldinga chiqib olishga muvaffaq bo'ldi. Shu tariqa o'tgan mavsum chempionlari Bundeligani chiroyli g'alaba bilan boshladi.
