0
Toshkent metrosining 5 ta bekatida qayta tamirlash ishlari boshlandi
Bu haqida metropoliten matbuot xizmati xabar berdi.
Toshkent metrosining shu paytgacha ikkinchi vestibyullari yopiq bo‘lgan 5 ta metro bekatining xizmat ko‘rsatish faoliyatini yo‘lga qo‘yish maqsadida o‘rnatilgan tartibda hukumat ruxsati bilan qurilish va rekonstruksiya ishlari boshlandi. Bu haqida metropoliten matbuot xizmati xabar berdi.
Qayd etilishicha, ushbu ta’mirlash ishlari yo‘lovchilarga qo‘shimcha qulaylik yaratish va xizmat ko‘rsatish sifatini oshirish yuzasidan qilinmoqda. Qurilish ishlari O‘zbekiston yo‘lining “O‘zbekiston”, “Mashinasozlar”, “Gʻafur Gʻulom” bekatlari, Chilonzor yo‘lining “Milliy bog‘” hamda Turkiston yo‘lining “Yunus Rajabiy” bekatida olib boriladi.
