0
Mohigul Hamdamova bronza medali sohibiga aylandi
U Tokio Paralimpiadasida chempion bo‘lgandi.
Parijdagi Paralimpiya o‘yinlarida O‘zbekiston delegatsiyasi para yengil atletika bo‘yicha navbatdagi medalni qo‘lga kiritdi.
F57 klassida disk uloqtirish bo‘yicha Mohigul Hamdamova 32,75 metr natija bilan 3-o‘rinni egalladi. Ma’lumot uchun, delegatsiyamiz bayroqdori Tokio Paralimpiadasida chempion bo‘lgandi.
Parijdagi Paralimpiya o‘yinlarida O‘zbekiston delegatsiyasi medallari soni hozircha: 3 ta oltin, 2 ta kumush, 3 ta bronza. O‘zbekiston — 7-o‘rinda.
