“Oltin to‘p” uchun jiddiy bahs

 

"France Football" jurnali 2023/2024-yilgi mavsumda "Oltin to'p" uchun 30 nafar nomzod nomini e'lon qildi. G‘olib nomi 28-oktabr kuni bo‘lib o‘tadigan tantanali marosimda e’lon qilinadi. 21 yil ichida birinchi marta Lionel Messi ham, Krishtianu Ronaldu ham davogarlar ro'yxatidan joy olishmadi. Ko'rsatkichlarga ko'ra, sovrin "Real"dan Vinisius yoki "Manchester Siti"dan Rodriga beriladi.

 

Hujumchi va yarim himoyachining o'yinini solishtirish yanada qiyinroq ish. Ko'rinib turibdiki, ular tubdan farqli o'yin uslublariga ega. Biroq, mukofotning o'zi turli pozitsiyadagi o'yinchilarni taqqoslashni o'z ichiga oladi.

 

Raqamlar faqat maydondagi pozitsiyalar orqali belgilanishi kerak. Masalan, Vinisusning 78% uzatmalarini aniq amalga oshirilgan. U raqib darvozasiga yaqinroq o'ynaydi, braziliyalikning vazifasi vaziyatni keskinlashtirish. Rodri har bir o'yinda 150 dan ortiq aniq uzatmalarni amalga oshirishi mumkin, ammo buning o'zi hech narsa bermaydi. 2022-yilgi jahon chempionatida to'pga egalik qilishdan boshqa deyarli hech narsa ko'rsatmagan Ispaniya terma jamoasini eslash kifoya. Ammo, Rodri terma jamoada ham, klubda ham hujumlar yo‘nalishini belgilab beruvchi futbolchiga aylangan. Bu borada boshqa futbolchilardan yaxshiroq harakat qiladi.

 

Bir qarashda ajablantiradigan ko'rsatkich - bu golli uzatmalar soni. Bu yerda Rodrining ustunligi nisbiy. Maydondagi o'yin yoki daqiqalarga golli uzatma nisbatini oladigan bo'lsak, Vinisius oldinda. Boshqa tomondan, braziliyalikning jarohat tufayli 75 kun maydonga tusha olmaganligi unga foyda keltirmaydi.

 

Lekin, hayratlanarli narsa - muvaffaqiyatli driblinglar foizi. Vinisiusning mahorati va maydondagi pozitsiyasi uning ushbu komponentda ustun bo'lishini ko'rsatadi. Agar biz faqat Ispaniya chempionatini oladigan bo'lsak, unda uning foizi undan ham pastroq - 36,9%. Ya'ni, ko'p hollarda braziliyalik driblingni boshlasa, to'pni yo'qotadi. O‘tgan mavsumda boshqa yulduz driblingchilarning ko‘rsatkichi yuqoriroq bo‘lgan: Kilian Mbappe (45,9%), Rafael Leao (50%), Jeremi Doku (51,5%), Jamol Musiala (56,5%).

 

Jadvalda aks ettirilmagan bitta parametr mavjud bu - intizom. Rodrining sariq kartochkalari biroz ko'proq, deyish mantiqqa to'g'ri kelmaydi, chunki uning pozitsiyasi brinchi navbatda raqib hujumlarini to'xtatish bilan bog'liq. Bunday vaziyatda himoyachining sariq kartochkalari biroz ko'proq bo'lsa ajabmas. Vinisiusda ham muxlislar, ham hakamlar bilan bahslashadigan odati bor. Biroq, 2023/2024-yilgi mavsumda hujumchi faqat turli harakatlari uchun ogohlantirish olgan.