Andijonda darsga kechikkan qizlar jazo sifatida o‘tirib-turg‘azildi
Holat yuzasidan rasmiy munosabat bildirildi.
Andijon shahridagi 5-maktabda kechikib kelgan o‘quvchi qizlar o‘tirib-turish mashqi bilan jazolanayotgani aks etgan video tarqaldi. Manbaga ko‘ra, maktab direktori darsga vaqtida kelmagan bolalarni har kuni shunday jazolaydi.
Voqea yuzasidan Bolalar ombudsmani munosabat bildirib, hozirda holat o‘rganilayotnanini maʼlum qildi.
“Taʼlimdagi tartib-qoidalardan chetga chiqib, o‘quvchilarga nisbatan turli jazolash usullarini qo‘llash hamda bolani ommaviy izza qilish uning shaʼni va qadr-qimmatini poymol etadi — bu bolaning konstitutsiyaviy huquqlarini buzishdir. Bunday nomaqbul harakatlar javobsiz qolishi mumkin emas”, deyiladi munosabatda.
