“Siti” yetakchi futbolchilarsiz ochko yo‘qotdi

 

Angliya chempionatining navbati tur o'yinida “Siti” “Nyukasl” bilan bo'lgan to'qnashuvda 1:1 hisobida durang o‘ynab, ochko yo‘qotdi. Amaldagi chempionlar asosiy yarim himoyachilar Rodri va De Bryuynesiz o'ynashga majbur bo'lishdi. Natijada markazda Kovachich va Riko Lyuis harakat qildi, Gyundogan esa hujumga biroz yaqinroq joylashdi.

 

O'yin ancha qiyin kechdi, ayniqsa birinchi bo'limda. "Siti" to'pga egalik qildi, ammo jamoada nimadir yetishmagandek tasavvur uyg'otdi. Bundan tashqari, "Nyukasl" o'z jarima maydonchasi ichida juda yaxshi himoyalandi. Biroq, shunga qaramay, tanaffusga qadar mehmonlar gol urishga muvaffaq bo'lishdi. Grealish chap qanotda raqibni dribling bilan aldab o'tib, Gvardiolga uzatma berdi. Pozitsion hujum paytida himoyachi raqib darvozasiga eng yaqin o'yinchi bo'lib chiqdi va to'pni uzoq burchakka joylab qo'ydi. Xorvatiyalik golni nishonlashni ham maromiga yetkazdi.

 

Grealishga maydondagi boshqa o'yinchilarga qaraganda ko'proq e'tibor qaratildi. Angliyalik vinger nafaqat driblingni amalga oshirdi, balki bir necha bor raqib darvozasiga hujumlarni yaratishda faollik ko'rsatdi. “Nyukasl” ikkinchi bo'limning 58-daqiqasida hisobni tenglashtirdi. Ederson Gordonga nisbatan qo'pol o'ynadi, buning uchun u sariq kartochka oldi. Penaltini Gordonning o‘zi amalga oshirib, hisobni 1:1 ko'rinishiga keltirdi.

 

Qolgan vaqtlarda “Siti” pressing qildi va bir qancha qulay vaziyatlarga ega bo'ldi, ammo g'alaba golini ura olmadi. Holand Premyer-liganing ushbu mavsumida (6-turda) ilk bor maydonni golsiz tark etdi. Hujumchi o'yin davomida besh marta zarba yo'lladi, ammo ularning hech biri jamoasiga g'alabani ta'minlay olmadi.