Konte “Napoli”da katta o‘zgarishga qo‘l urdi
Neapolliklar chempionlikdan so'ng inqiroz yoqasidagi klublar toifasiga tushib qolgandi.
O'tgan mavsum "Napoli" uchun dahshatli o'tdi. Chempionlikdan so‘ng neapolliklar Yevropaning inqiroz yoqasidagi klublari toifasiga tushib qolishdi. "Napoli" hozirda klubga olib kelingan Antonio Konte bilan "tozalash" ishlarini olib bormoqda. Ammo, jamoa kutilgan natijaga mavsum oxirida erishishi mumkin. Italiyalik murabbiy maqsadli transferlar bilan jamoani oz bo'lsada jonlantirdi.
Antonioning eng sevimli sxemasi 4-2-4. Konte buni faoliyatining boshida Marsello Lippidan ilhomlangan holda amalga oshirib keladi. 2011-yilda italiyalik mutaxassis “Yuventus”ni boshqarganida, yangi taktikani qo'lladi:
“Menimcha, barchasi tarkibga emas, balki jamoadagi o'yinchilarga bog'liq”, - degandi italiyalik murabbiy. Men ilgari 4-2-4 sxemasini afzal ko'rganman, lekin, "Yuventus"ni qabul qilib, tarkibni tahlil qilganimda, bu yerda boshqa taktika mosroq degan xulosaga keldim".
Biroq, bu tajriba uzoqqa cho'zildi va Konte keyingi barcha jamoalarda ham bu taktikadan foydalandi: Italiya terma jamoasi, "Inter" va "Tottenhem". U shu tariqa mazkur jamoalar bilan bir qator yutuqlarni qo'lga kiritdi. Konte Neapolga ko'chib o'tishi bilan bir zumda A Seriyadagi asosiy intrigalardan biri paydo bo'ldi: "Napoli" qanday tarkib bilan o'ynaydi? Klub prezidenti Aurelio De Laurentis 4-3-3 sxemasidan foydalanishni yoqtiradi. Antonio esa o'zining o'yin uslubiga sodiqligicha qolishi taxmin qilindi. Biroq, klub uning qo'li ostida g'alabali yurishda davom etmoqda.
"Yuventus" bilan o'yindan so'ng, Konte jamoaning zaif nuqtalarini tahlil qilishga muvaffaq bo'ldi. Ayni vaqtda Konte ko'proq hujumkor o'yinga e'tibor qaratmoqda. U Skott MakTominay uchun ko'proq imkoniyatlar yaratishni lozim topmoqda. Kontening hujumkor o'yinining muhim elementi Lukaku va MakTominay hisoblanadi. Belgiyalik futbolchi hujumda Skott bilan hujumlarni yakunlashda ishtirok etsa, Xvicha ularga orqaroqda yordam beradi. Ajoyib jismoniy kuchi MakTominayning o'yinida ancha yillardan beri ko'rinib kelmoqda. U bir necha bor APLda "Manchester Yunayted" sharmandali mag'lubiyatlardan qutqarib qolgan. Ammo "Manchester Yunayted" ustozi uni asosiy tarkib futbolchisi sifatida ko'rmadi, lekin u Konte qo'li ostida yanada kuchli futbolchiga aylanmoqda.
"Menga shunday fikr keldi, chunki transfer oynasining so'nggi kunida biz MakTominay va Gilmurni sotib oldik, shuningdek, Folorunshoni jamoaga qaytardik. Yarim himoyada kuchli o'yinchilar ko'p edi va biz bundan unumli foydalanishimiz kerak edi. Biz o'tgan haftada "Kalyari"ga qarshi o'zgaruvchan tarkib ustida ishlashni boshladik. 3-4-2-1 ishladi, men shu taktikaga etibor qaratdim. Bu jamoaga mos keldi, futbolchilar unda o'ynashi mumkin. Biroq, men bu yondashuv orqali himoyamiz borasida biroz xavotirda edim, ammo biz buni uddaladik."
MakTominayning yangi roli "Komo"ga qarshi o'yinda bitta gol va "Monza" bilan o'tgan bahsda bitta golli uzatma bilan yakunlandi. Ikkala gol ham raqib jarima maydonchasi ichida amalga oshirildi. Konte startda birdaniga ikkita g'alabaga erishdi. U "Napoli"ni chempionlikdan so'ng tezda tiriltirdi va ommaga umuman himoyachi murabbiy emasligini baland ovozda e'lon qildi. Bu fikr beshta himoyachi bilan tuzilgan sxemalarning uzoq davom etishi tufayli mashhur bo'lgandi.
