Manchesterliklar uchun sinovli bahs, Ispaniyada Kataloniya derbisi, Germaniyada “Asalarilar” “Buqalar”ga qarshi
Dam olish kunlari futbol muxlislarini qanday qiziqarli uchrashuvlar kutib turibdi?
Bu safargi dam olish kunlari ham futbol muxlislarini bir qator qiziqarli uchrashuvlar kutib turibdi. Quyida bu haqida batafsil to'xtalib o'tamiz.
"Manchester Yunayted" — "Chelsi"
"Manchester Yunayted" bu mavsumni shu qadar yomon boshladiki, jamoa ayni vaqtda APL turnir jadvalida 14-o'rinni egallab turibdi. Klub rahbarlari Erik ten Xag ishdan bo'shatilgandan keyin, Ruben Amorimni klub bosh murabbiyi etib tayinlashdi. "Chelsi" hozirda ancha yaxshi o'yin ko'rsatmoqda. Jamoa turnir jadvalida beshinchi o'rinda bormoqda. London klubi Premyer-ligada ikki bor mag'lub bo'ldi va har ikki holatda ham top-jamoalar bilan kurashda yengildi. "Chelsi"ning "Manchester Siti" (0:2) va "Liverpul" (1:2) bilan uchrashuvlari muvaffaqiyatsiz o'tdi. Londonliklar 10 yildan ko'proq vaqdan beri "Old Trafford"da "Manchester Yunayted"ni mag'lub eta olishmayapti.
"Arsenal" — "Nyukasl"
Bir yil oldin "Arsenal" "Nyukasl"ga mehmonda mag'lub bo'lgandi. Boz ustiga, Mikel Arteta shogirdlari birorta ham gol ura olishmagan. Hozirda London klubi Premyer-ligada ikki turdan beri g'alaba qozona olmayapti (bu uchrashuvlarda jami to'rtta gol o'tkazib yuborgan). Bularning barchasi “Arsenal”ning birinchi o'rindagi jamoadan besh ochko ortda qolishiga sabab bo'ldi. "Nyukasl" haqida nima deyish mumkin? G'alabasiz beshta o'yin seriyasi. Jamoa ayni vaqtda jadvalning ikkinchi yarmida bormoqda.
"Borussiya" — "Leypsig"
"Borussiya" yangi murabbiy qo'l ostida biroz muvaffaqiyatlikka uchramoqda. Nuri Shaxin shogirdlari turnir jadvalida yettinchi o'rinni egallab turibdi. Uy va mehmondagi o'yinlar o'rtasidagi farq hayratlanarli. "Borussiya" Dortmundda uyida o'zini ajoyib his qilmoqda - to'rtta uchrashuvda to'rtta g'alaba. Boshqa tomondan, "Leyptsig" hali safarda mag'lub bo'lgani yo'q (uchta g'alaba, bitta durang). "Buqalar" ligadagi eng kuchli himoyaga ega (uchta gol o'tkazib yuborgan).
"Napoli" — “Atalanta”
Antonio Konte "Napoli"da ajoyib ish boshladi, jamoa hozirda A Seriya jadvalida birinchi o'rinni egallab turibdi. Ammo asosiy o'yinlar hali oldinda. Bu hafta janubliklar “San-Siro”da “Milan”ni mag‘lub etishdi (2:0) va endi ularni yana bir qiyin raqib kutib turibdi. “Atalanta” chempionatda ketma-ket to‘rtta g‘alabaga erishdi hamda Chempionlar Ligasi zonasiga ko‘tarildi. Jamoa allaqachon 26 ta gol urgan (ligada eng ko'p), Jan Piero Gasperini esa Neapolda qanday g'alaba qozonishni biladi. Masalan, o'tgan mavsumda u jamoani mag'lub etgandi (3:0). Biroq, o'shanda "Napoli"da bir qator muammolar mavjud edi.
"Barselona" — "Espanyol"
“Ko‘k-anorranglilar” yangi mavsumni ajoyib boshlashdi – Ispaniya chempionatida 11 uchrashuvda 10 ta g‘alaba. O'tgan haftada Xansi Flik jamoasi Madridda "Real"ni (4:0) mag'lub etdi va turnir jadvalidagi asosiy ta'qibchisidan 6 ochkoga uzib ketdi. "Espanyol" bilan o'z maydonidagi so'nggi uchrashuvda "ko'k-anorranglilar" g'alaba qozona olishmagan.
"Manchester Siti" — "Bornmut"
"Manchester Siti" - bu mavsumda mag'lub bo'lmagan yagona Premyer-liga klubi (yetti g'alaba, ikkita durang). Pep Gvardiola shogirdlari chempionatda eng ko‘p gol urgan (20 ta gol) va eng ko‘p ochko jamg‘argan (23 ta). Boshqa tomondan, "Siti" bor-yo'g'i ikkita o'yinda o'z darvozasi daxlsizligini saqlab qoldi. Oxirgi tur yakunlariga ko‘ra, jamoa ligada birinchi o‘ringa qaytdi, ammo endi o‘rnini mustahkamlashi kerak. "Bornmut"da qiziqarli statistika mavjud - uchta g'alaba, uchta mag'lubiyat, uchta durang, 11 gol urilgan, 11 gol o'tkazib yuborilgan. "Manchester Siti" "Bornmut" bilan mehmonda hech qachon ochko yo'qotmagan - to'qqizta uchrashuvda to'qqizta g'alaba.
