“Tottenhem” yozda Abduqodir Husanovni sotib olmoqchi

 

“Tottenhem” Mikki van de Ven jarohatidan so‘ng yangi markaziy himoyachi bilan shartnoma imzolash rejalarini tezlashtirmoqchi. 23 yoshli Van de Ven “Man Siti”ga qarshi Karabao Kubogi doirasidagi uchrashuv vaqtida tizzasidan olgan jarohati tufayli 4-6 haftaga safdan chiqdi.

 

“Shporlar”ning sobiq skauti Mik Braun 30-oktyabr kuni "Football Insider" nashriga bergan intervyusida klub avvaldan himoyani mustahkamlashni o‘ylayotgani va ushbu jarohatdan so‘ng bu ehtiyoj endi dolzarb bo‘lib qolganini aytgan.

 

Himoyani mustahkamlash uchun klub 20 yoshli “Lans” yulduzi Abduqodir Husanovga qiziqish bildirmoqda.

 

“Markaziy himoyachi yuqori darajada tajribaga ega emas, u faoliyati davomida bor-yo‘g‘i 62 marta katta o‘yinda maydonga tushgan bo‘lsa-da, shulardan 37 tasi ikkinchi Belarus ligasiga to‘g‘ri keladi. 2023-yilda “Lans”ga o‘tganidan beri u Fransiyada juda hurmatga sazovor bo‘lgan istiqbolli futbolchiga aylandi, ammo katta o‘zgarishga kirishishdan oldin unga ko‘proq tajriba kerak. 20 yoshli futbolchi O‘zbekiston terma jamoasi safida ham 16 ta o‘yin o‘tkazdi va xalqaro miqyosda muntazam to‘p surmoqda. Klublar unga kelajak uchun yaxshi variant sifatida qaramoqda”, - deyiladi xabarda.

 

“Tottenhem”dan tashqari APLning “Nyukasl”, “Chelsi” va “Vest Hem” klublari ham “Lans” himoyachisiga qiziqish bildirayotgani haqida xabarlar tarqalgan.