Ispaniyada bananlar ortilgan konteynerdan 13 tonna kokain topildi
Bu mamlakat tarixida musodara qilingan eng katta partiyadir.
"Alxesiras portida ichida 13 tonna 62 kilogramm kokain ortilgan konteyner aniqlandi. Bu hozirga qadar Ispaniya hududida qo‘lga kiritilgan rekord darajadagi giyohvandlik vositasi", — xabar berdi El Mundo.
Taʼkidlanicha, bu Yevropa hududida aniqlangan eng yirik ikkinchi partiyadir. Giyohvandlik vositalari Ekvadordan kelgan, bananlar ortilgan konteyner ichiga yashirilgan. Yuk Alikante provinsiyasidagi kompaniyaga yetkazilishi kerak bo‘lgan. Ushbu kompaniya bir necha yil davomida Janubiy Amerika mamlakatidan katta miqdorda mevalarni qabul qilib kelgan, ammo keyinroq o‘z faoliyati to‘xtatgan.
Politsiya maʼlumotlariga ko‘ra, tintuv vaqtida bir nafar gumonlanuvchi qo‘lga olingan, import bilan shug‘ullangan kompaniyaning ikki menejeri esa qidiruvga berilgan.
