Afruza Hamdamova shaxmat bo‘yicha ikki karra jahon chempioni bo‘ldi

Braziliyada bo‘lib o‘tayotgan o‘smirlar o‘rtasidagi FIDE jahon chempionatining 16 yoshgacha bo‘lgan qizlar o‘rtasidagi bahslarida o‘zbekistonlik shaxmatchi Afruza Hamdamova muddatidan oldin chempion bo‘ldi. Bu haqida O‘zbekiston Shaxmat Federatsiyasi Matbuot xizmati xabar berdi. 

 

Unga ko‘ra, Hamdamova 10 ta partiyada 9,5 ochko jamg‘arishga muvaffaq bo‘ldi (9 ta g‘alaba, 1 durang). Musobaqaning so‘nggi turida qanday natija qayd etishidan qatʼiy nazar, raqiblarining birortasi ham unga yeta olishmaydi.

 

Maʼlumot o‘rnida, Afruza Hamdamova o‘tgan yili Italiyada bo‘lib o‘tgan FIDE jahon chempionatida 14 yoshgacha bo‘lgan qizlar orasida ham muddatidan oldin g‘oliblikni qo‘lga kiritgan edi. O‘shanda Afruza Hamdamova jahon chempioniga aylangan O‘zbekistondagi ilk ayol shaxmatchi bo‘lgan edi.