"Shaharliklar" "Shporlar"ga qarshi, Italiyada tur o'yini va "ketmoni uchayotgan" "Liverpul"
Bugundan klublar futboli qaytmoqda.
Nihoyat terma jamoalar ishtirokidagi o'yinlar tugadi. Klublar futboli qaytmoqda va oldinda bizni qator qiziqarli o'yinlar kutib turibdi. Eng qiziqarli uchrashuvlar haqidagi ma'lumotlarni quyida bilib olishingiz mumkin.
"Milan" — "Yuventus"
"Milan" - "Yuventus" nafaqat Italiyada, balki butun dunyodagi asosiy raqobatlarchilardan biridir. Klublar qanday holatda ekanligi, ular qaysi o'rinni egallashi va o'yinchilarning qanday maqomga ega ekanligi muhim emas. “Yuve” – favorit: u peshqadam “Napoli”dan atigi ikki ochko ortda qolmoqda va chempionatda mag‘lub bo‘lmagan. Ammo "Milan" autsayderlar qatoriga tushib ketgan. "Qizil-qoralar" Madridda "Real"ni ishonchli tarzda mag'lub etgandi. Balki ispan grandining taqdiri endi "oq-qoralar"ning boshiga tushar. Barchasini birgalikda kuzatamiz.
"Manchester Siti" — “Tottenhem”
"Manchester Siti" ketma-ket to'rtta o'yinda mag'lub bo'ldi. Mazkur seriyani esa aynan “Tottenhem” boshlab bergandi. "Shporlar" Liga kubogida Pep Gvardiola jamoasini mag'lub etishgandi. O'shanda maydonda Simpson-Puzi, O'Reyli va Makati kabi futbolchilar bor edi. Ikkinchidan, mezbonlar ham aralash tarkibga ega edi. Agar amaldagi chempion chempionlik maqomini saqlab qolishni rejalashtirsa, mag'lub bo'lishga haqqi yo'q. Aks holda “Liverpul” yaqqol peshqadamga aylanadi.
“Arsenal” — “Nottingem Forest”
Avgust oyi boshida kim 12-turda “Arsenal” va “Nottingem Forest” bir xil miqdordagi ochko to‘plashini aytgan bo‘lsa, ayni haqiqatni aygan bo'lardi. Yoki o'sha vaqtda juda ham sharmanda bo'lar edi. Ammo londonliklar muvaffaqiyatsizlikka uchrashda davom etmoqda. Oldingi ikki mavsumda “Nottingem Forest” chempionatda omon qolish uchun kurashgan. Hozirda jamoa kuchli beshlikda bormoqda. "Kanonirlar" esa yana chempionlik poygasiga qaytishlari uchun mazkur bahsda g'alaba qozonishlari shart hisoblanadi.
"Liverpul" — "Sautgempton"
"Liverpul" "Siti"ning vaqtinchalik muvaffaqiyatsizliklaridan foydalanmoqda. Jamoa allaqachon raqiblaridan besh ochkoga oldinga o'tib olishdi. Bundan tashqari, ushbu turda "Siti" "Tottenhem" bilan to'qnash keladi. Arne Slot jamoasi esa hozirda Premyer-liganing eng zaif jamoasiga safar qiladi. Nafaqat peshqadamlikni saqlab qolish, balki farqni oshirish uchun ham katta imkoniyat bor.
"Real Madrid" — "Leganes"
Bu mavsumda "Real Madrid"dan nima kutish kerakligi umuman noma'lum. Noyabr oyida "Las-Palmas" va "Malyorka" bilan durang, undan avvalroq "Barsa"ga va Chempionlar ligasida ikkita mag'lubiyat sabab jamoa bir qator tanqidlarga sabab bo'ldi. Hatto Mbappening transferi ham hali unchalik yordam bermadi. Dunyoning eng yaxshi jamoasidan bunday beqarorlik umuman kutilmagandi. Boz ustiga, taqvim u darajada murakkab emas. Jamoa dekabr oyining ikkinchi yarmida bo‘lib o‘tadigan klublar o‘rtasidagi jahon chempionati oldidan Chempionlar ligasida “Liverpul” va “Atalanta”, La Ligada esa “Atletik” va “Jirona”ga safar qiladi. "Leganes" bu qatorda oson raqibga o'xshaydi, ammo oldindan nimadir deb bo'lmaydi. Madridliklarda kutilmagan natijani ham qayd etishi mumkin.
