“Manchester Yunayted” yana muvaffaqiyatsizlikka uchradi
Jamoa kecha Amorim boshchiligida navbatdagi mag'lubiyatni qabul qilib oldi.
Kecha "Manchester Yunayted" va "Nottingem Forest" o'rtasidagi uchrashuv ko'pchilikning diqqat-markazida bo'ldi. Sababi manchesterliklarning yangi bosh murabbiyi bundan avvalgi bahsda ham raqiblariga imkoniyatni boy berib qo'ygandi. O'yin oldidan "Manchester Yunayted" stadionida 56 yil davomida ma'mur bo'lib ishlagan Kat Fipps bilan xayrlashildi. Futbolchilar gul ko‘tarib, afsonaviy xodimga bag‘ishlangan bannerni namoyish etishdi. Stadiondagi muxlislar esa uni qarsaklar bilan kuzatib qo'yishdi.
Shanba kuni Premyer-ligada Liverpul derbisi noqulay ob-havo sabab bekor qilindi. Ammo "Old Trafford"dagi o'yinni o'tkazishga qaror qilishdi. Uchrashuvning ikkinchi daqiqasida "Forest" hisobda oldinga chiqib oldi. Milenkovich golga mualliflik qildi. Ma'lum bo'lishicha, "Manchester Yunayted" oxirgi uchta golini aynan burchakdan o'tkazib yuborgan. O'yinning 18-daqiqasidayoq mezbonlar hisobni tenglashtirishga muvaffaq bo'lishdi. Uzoq davom etgan uzatmalardan so‘ng Garnacho darvozabon bilan yakkama-yakka qoldi, biroq pospon birinchi zarbani qaytardi. Ammo Hoylundning yakuniy zarbasini hech kim qaytara olmadi. Birinchi bo'lim teng kurashlar ostida kechdi. Biroq, to'pga egalik qilish borasida "Manchester Yunayted" ustunlikka erishdi.
Ikkinchi bo‘limda mezbonlar Amorimning ko'rsatmalari sabab himoyaviy o'yin namoyish etishni boshladi. 47-daqiqada mehmonlar yana hisobda oldinga chiqib olishdi. Bu safargi gol muallifi Gibbs-Uayt bo'ldi. Oradan hech qancha vaqt o'tmasdan "Manchester Yunayted" uchinchi golni ham o'tkazib yubordi. Shu kuni o'zining 33 yoshini nishonlayotgan Kris Vud o'tkir burchakdan bosh bilan ajoyib gol urdi. Yangi zelandiyalik forvard uchun bu gol Angliya chempionatidagi 10-gol bo'ldi. U hech qachon Premyer-liga mavsumida 14 dan ortiq gol urmagan va mavsum yakuniga qadar shaxsiy rekordini o'rnatishi mumkin.
61-daqiqaga kelib Bruno Fernandesh hisobni tenglashtirib, jamoasiga yana umid berdi. Shundan so'ng mezbonlar tezkor hujumlar uyushtirishni boshladi. Ammo "Forest" futbolchilari himoyada tartibli o'yin namoyish etishdi. 76-daqiqaga kelib Amorim besh marta almashtirishni amalga oshirdi. Murabbiy markaziy himoyachilar De Ligt va Yoro hamda sardor Fernandeshni zahiraga olgani biroz hayratlanarli bo'ldi. Biroq, "Manchester Yunayted"ning bosimi jamoaga mag'lubiyatdan qutulib qolish uchun yetarli bo'lmadi. Garchi Diallo, Rashford va Martineslarda bir qator yaxshi imkoniyatlar yuzaga kelgandi.
Ushbu g'alaba tufayli "Forest" beshinchi o'ringa ko'tarilib oldi. "Manchester Yunayted" turnir jadvalida 13-o'ringa joylashdi.
