"Real"ga himoyachi kerak
Peres qanday qarorga keladi?
"Real Madrid" hamon jarohatlar sabab qiynalmoqda. David Alaba yaqinda safga qaytdi, ammo "Espanyol"ga qarshi o'yinda yana bir himoyachi, Antonio Ryudiger jarohat oldi. U taxminan bir oy maydonga tushmaydi. Eder Militao va Dani Karvaxal ham uzoq muddatga safdan chiqqan.
Karlo Anchelotti muntazam ravishda muammolarga yangi yechimlar taklif qiladi: u markaziy himoyaga Aurelien Tchouameni tushirdi, o'ng qanotga Lukas Vaskes va Federiko Valverdeni joylashtirdi. Hamda Raul Asensioni asosiy jamoaga olib keldi. Italiyalik futbolchi qo'lidan kelganicha o'zini ko'rsatishga harakat qilmoqda. Shunga qaramay Florentino Peres transferlar uchun pul sarflashni xohlamayapti.
Peres qishda hech qachon transferlarni amalga oshirmagan
So'nggi olti yil ichida "Real Madrid" qishda transfer bozoriga faqat ikki marta murojaat qilgan. 2018/2019-yilgi mavsumda: Madrid natijalar borasida dahshatli inqirozni boshidan kechirayotgan edi, Ronaldusiz esa natijaga erishish qiyin edi. Shunda jamoa futbolchi sotib olishga majbur bo'ladi. Peres o'shanda "Manchester Siti"dan Brahim Diazni 17 million yevroga sotib oldi. Olti yil o'tibgina, Brahim "Real Madrid"ning eng foydali o'yinchilaridan biriga aylandi. Xarid esa muvaffaqiyatli bo'lib chiqdi. Ammo, Reynerning 2020-yilda 30 million yevroga o‘tishi muvaffaqiyatsizlikka uchradi. Madrid klubi o'shanda braziliyalik iqtidorli yoshlarni sotib olishga kirishayotgan edi. Shuningdek, yangi kelgan futbolchi Kakaning vorisi sifatida e'tirof etiladi. U Luka Modrich va Toni Kroos o'rnini egallashi va Vinisius Junior va Rodrigo bilan birgalikda ajoyib trioni tashkil qilishi kutilgandi. Biroq, bu reja ishlamadi. Transfermarkt portaliga ko'ra Reynerning ayni vaqtdagi narxi 2,5 million yevroni tashkil etadi. Peres pulini isrof qilganini tushundi va Reynerni bir necha bor sotmoqchi bo'ldi, ammo oluvchilar yo'q edi. U hozirda Segundaning "Granada" klubida ijara asosida o'ynamoqda. Umuman olganda, olti oy davomida u maydonda 14 ta to‘liq o‘yin o‘tkazdi va 1+4 natijani qayd etdi. Faoliyatini qayta boshlash uchun hali vaqt bor: braziliyalik yaqinda 23 yoshga to'ladi. Biroq, bu endi "Real Madrid"da sodir bo'lmasligi aniq. Reynerning Madridliklar bilan shartnomasi kelasi yili tugaydi. Agar e'tibor qaratadigan bo'lsangiz Peres qo'l ostidagi "Real Madrid" qishda yo faqat o'smirlarni sotib olgan. Yoki futbolchilarni erkin agent sifatida jamoaga qo'shgan. Birinchi holat 2015-yilda Lukas Silva bilan bo'lgan. Ikkinchisi 2011-yilda hujumchi Emmanuel Adebayor (Uni Iguainning jarohati tufayli olib kelishgan) va 2012-yilda darvozabon Diego Lopes (Iker Kasilyas barmog'ini jarohatlab olgan, bundan tashqari u Joze Mourinyo bilan kelishmovchilikka uchragan).
Madridliklar tavakkal qiladimi?
Hozirgi vaziyat 2011 yoki 2012-yillardagidan ham boshi berk ko'chaga o'xshaydi. Biroq Peres yangi himoyachi sotib olishga shoshilmayapti. "Real"dagi 22 yillik faoliyati davomida Florentino kuchli mutaxassis ekanligini isbotladi: uning qo'l ostida Madrid jamoasi koronavirus pandemiyasidan mag'lubiyatsiz o'tib kelgan yagona klubga aylandi. Peres so'nggi bir necha yil ichida erkin agentlarga ko'proq murojaat qilmoqda. Jamoa hozirda Trent Aleksandr-Arnoldning shartnomasi uchun mablag' yig'ayotgani aytilmoqda. U Karvaxalga o'rinbosar bo'ladi. Shu bois rahbariyat Anchelottidan sabr-toqatli bo'lishni va iloji bo'lsa, asosiy tarkibga akademiyadagi futbolchilarni kiritib turishni so'ramoqda. Eng yaxshi himoyachilar odatda mavsum davomida sotilmaydi. Agar ular sotiladigan bo'lsa ham narxi oshiriladi. Bundan tashqari, yangi kelgan futbolchilar darhol natijalarga erishishlari kutiladi, ammo ular jamoaga qo'shilishga va yangi talablarga moslashishga vaqtlari bo'lmaydi. "Real Madrid" boy klub, ammo jamoa 150 million yevroga favqulodda xarid qilishi ehtimoldan yiroq. Ayni vaqtda Anchelottiga chindan ham havas qilib bo'lmaydi, ayniqsa Chempionlar ligasida "Siti" bilan o'yinda munosib himoyachi yo'qligini hisobga olsak. Alaba jarohatlaridan endigina tuzalib, formasiga qaytmoqda, Tchuameni himoyachi emas. Asensioda esa bunday yirik uchrashuvlarda o'ynash tajribasi yo'q. Peres uzoq muddatdan beri jamoa bilan birga ishlayapti, ammo bu yil falokatli mavsum bo'lishi mumkinligiga yo'l qo'ymayapti. Tez orada Florentinoning qarorlari "Real"ga qanchalik yordam berishini bilib olamiz.
