Inson aql-zakovati pasayib bormoqda
Insoniyatda aqliy zaiflikka olib keluvchi mutatsiyalar ortmoqda.
Stenford universiteti (AQSH) olimlari insoniyatning intellektual va hissiy qobiliyatlari pasayib borayotganini aniqlashdi. Genetikadagi Trends jurnalida chop etilgan tadqiqotga ko‘ra, gen mutatsiyalari inson aql-idroki va hissiyotlariga salbiy ta’sir ko‘rsatmoqda.
Tadqiqotchilarning fikricha, qadimgi insonlar og‘ir hayot sharoitlari tufayli intellektual jihatdan rivojlangan, chunki aql ularning omon qolishiga yordam bergan. Biroq, qishloq xo‘jaligi va urbanizatsiyaning rivojlanishi bilan hayot osonlashdi, natijada aqlga bo‘lgan ehtiyoj kamaydi. Shuning uchun insoniyatda aqliy zaiflikka olib keluvchi mutatsiyalar soni ortib bormoqda.
Tadqiqot rahbari doktor Jerald Krabtrining hisob-kitoblariga ko‘ra, so‘nggi 3000 yil ichida har bir inson avlodida aqliy va hissiy qobiliyatlarni susaytiruvchi kamida ikki yoki undan ortiq mutatsiya yuz bergan. Biroq, olimlar kelajakda genetikani nazorat qilish orqali bu jarayonga qarshi turish yo‘llarini topishlariga ishonishmoqda.
