Ronaldu yana eng yaxshi to‘purar bo‘ldi
Saudiya Pro-ligasi “Oltin butsa”si yana uning qo‘lida.
“Al Nassr” sardori Krishtianu Ronaldu 2024/25-yilgi mavsumda Saudiya Arabistoni Pro-ligasining eng yaxshi to‘purari – ya'ni “Oltin butsa” sohibi bo‘ldi. Bu portugaliyalik yulduz uchun ketma-ket ikkinchi mavsumda ushbu unvonni qo‘lga kiritish bo‘ldi.
Joriy mavsumda Ronaldu ligada 25 ta gol urib, Ivan Toni va Karim Benzema kabi raqiblarini ortda qoldirdi. U shu tariqa Qirollik chempionatida yana to‘purarlik poygasida yetakchilik qildi.
E’tiborlisi, 12 oy avval – 2023/24-yilgi mavsumda Ronaldu 31 o‘yinda 35 ta gol urgan holda Pro-liga tarixidagi bir mavsumda eng ko‘p gol urgan futbolchiga aylangandi. Bu yilgi ko‘rsatkichi undan biroz past bo‘lsa-da, baribir yetarli bo‘ldi.
Uning faoliyati davomida qo‘lga kiritgan “Oltin butsa”lari:
2008 — Angliya Premer-ligasi
2011, 2014, 2015 — La Liga (Pichichi kubogi)
2021 — A Seriya (Kapokanonyer)
2024, 2025 — Saudiya Pro-ligasi
Shuningdek, Ronaldu 7 marta UEFA musobaqalari g‘olibi, Evro-2020 Oltin butsa sohibi hamdir.
