Toshkentda ko'p qavatli uyda yong'in yuzaga keldi
Hodisa oqibatida jabrlanganlar yo'q.
6-iyun kuni soat 23:48 da Toshkent shahar Favqulodda vaziyatlar boshqarmasiga Bektemir tumani, “Iqbol” mahallasida joylashgan ko‘p qavatli uylarning birida — 11-qavatdagi xonadonda yong‘in sodir bo‘layotgani haqida xabar kelib tushgan.
Voqea joyiga yong‘in-qutqaruv ekipajlari atigi 5 daqiqa ichida — soat 23:53 da yetib borishdi. Yong‘in soat 00:22 da to‘liq o‘chirilgan.
Dastlabki ma’lumotlarga ko‘ra, xonadondagi uy jihozlari yonib zarar ko‘rgan. Hodisa oqibatida tan jarohati olganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda.
