Ronaldu “Al-Nasr” klubida qoladigan bo‘ldi
Futbolchi klub bilan yangi shartnoma tuzdi.
Krishtianu Ronaldu Saudiya Arabistonining “Al-Nasr” klubida qoladigan bo‘ldi. Bu haqida klub matbuot xizmati xabar berdi.
Jamoa bilan shartnoma muddati tugayotgani uchun Osiyodan ketishi mumkinligi aytilgan futbolchi klubi bilan 2027 yilgacha amal qiladigan yangi shartnoma tuzgan.
Maʼlumot uchun, portugaliyalik futbolchi ushbu klubga 2023 yil yanvar oyida qo‘shilgandi. O‘tgan mavsumda u barcha musobaqalarda 35 ta gol urdi va 4 ta golli uzatma amalga oshirdi. Shunga qaramay, “Al-Nasr” ushbu mavsumda hech qanday sovrinni qo‘lga kirita olmadi. Saudiya Pro-ligasida jamoa 70 ochko jamg‘arib, uchinchi o‘rinda yakunladi.
