“Tashabbusli byudjet”ning 2-mavsumi 15-iyuldan boshlanadi
G‘oliblar Mustaqillik bayrami kuni eʼlon qilinadi.
“Tashabbusli byudjet”ning 2025 yilgi ikkinchi mavsumi 15-iyuldan boshlanadi. Bu haqida Iqtisodiyot va moliya vazirligi xabar berdi.
Bunda:
-
loyiha kiritish bosqichi — 15 iyul–3 avgust;
-
saralash bosqichi — 4–18 avgust;
-
targ‘ibot bosqichi — 19–21 avgust;
-
ovoz berish bosqichi — 22–31 avgust kunlari o‘tkaziladi.
G‘oliblar 1-sentyabr — Mustaqillik bayrami kuni eʼlon qilinadi.
Eslatib o‘tamiz, “Tashabbusli byudjet”ning 2025-yilgi birinchi mavsumi 1-fevraldan boshlanib, 20-martga qadar davom etgandi. Ovoz berish yakunlariga ko‘ra, 3,2 trillion so‘mlik 2 369 ta loyiha g‘olib deb topilgan. Loyihalarning eng ko‘pi — 964 tasi ichki yo‘llarni taʼmirlash bilan bog‘liq tadbirlar bo‘lgan.
