Davlat rahbarining tegishli farmoniga asosan Prezident Administratsiyasida kadrlar almashinuvi amalga oshirildi
Prezident Administratsiyasida bir qator lavozimlar o‘zgarishsiz qoldi.
Avval xabar berganimizdek, O‘zbekiston Respublikasi Prezidentining tegishli farmoniga binoan qator yangi tayinlovlar amalga oshirildi. Shu bilan birga, Prezident Administratsiyasining ayrim muhim rahbarlik lavozimlarida o‘zgarishlar kiritilmadi — quyidagi mansabdor shaxslar o‘z vazifasida qoladi:
Xayriddin Sultonov — Prezident maslahatchisi — Spichrayter sifatida faoliyatini davom ettiradi.
Shuxrat G‘aniyev — Prezidentning agrar rivojlanish masalalari bo‘yicha maslahatchisi lavozimini saqlab qoldi.
Tursinxan Xudaybergenov — Orolbo‘yi mintaqasini barqaror rivojlantirish masalalari bo‘yicha Prezident maslahatchisi sifatida ishini davom ettiradi.
Viktor Maxmudov — Prezident huzuridagi Xavfsizlik kengashi kotibi lavozimida qolmoqda.
Alisherbek Paygamov — Prezident Administratsiyasining Tashqi aloqalar departamenti rahbari sifatida ishlashda davom etadi.
Ulug‘bek Qurbonov — Prezident Protokoli rahbari lavozimini saqlab qoldi.
