Jang bekor qilindi: Bahodir Jalolovning italiyalik raqibi jangdan bosh tortdi
26 iyul kuni AQSHning Nyu-York shahrida jang bo‘lib o‘tishi rejalashtirilgan edi.
O‘zbekistonlik mashhur professional bokschi Bahodir Jalolovning navbatdagi jangi bekor qilindi. Bu haqda Top Rank promouterlik kompaniyasi o‘zining X (sobiq Twitter) sahifasida rasmiy bayonot berdi.
26-iyul kuni AQShning Nyu-York shahrida bo‘lib o‘tishi rejalashtirilgan jangda Jalolov italiyalik raqibi Janmarko Kardiloga qarshi ringga chiqishi kerak edi. Biroq Kardilo sog‘lig‘i bilan bog‘liq muammolar sababli jangda qatnasha olmasligi ma’lum qilindi.
"Bahodir Jalolov va Janmarko Kardilo o‘rtasidagi og‘ir vazn toifasidagi jang bekor qilindi. Kardilo sog‘lig‘i bilan bog‘liq muammolar tufayli jangdan voz kechishga majbur bo‘ldi", — deyiladi Top Rank bayonotida.
Ma'lumot uchun, Bahodir Jalolov shu vaqtgacha professional ringda 15 ta jang o‘tkazgan, ularning 14 tasini nokaut bilan yakunlagan. Faqat bir jangda u ochkolar hisobiga g‘alaba qozongan.
So‘nggi jangini u 5-aprel kuni Ostona shahrida o‘tkazgan edi. Unda u ukrainalik bokschi Igor Shevadzutskiy (12-3, 10 KO)ga qarshi bahs olib borib, hakamlar yakdil qarori bilan ringni g‘olib sifatida tark etgan.
Hozircha Jalolovning keyingi jangi qachon va kimga qarshi o‘tishi haqida rasmiy ma’lumot berilmadi.
