O‘zbekistonda o‘rtacha oylik maosh 6 mln so‘mga yaqinlashdi
Milliy statistika qo‘mitasi O‘zbekistondagi o‘rtacha oylik nominal hisoblangan ish haqi bo‘yicha ma’lumot berdi.
Ma'lumotlarga ko'ra, 2025 yil yanvar–iyun oylarida o‘rtacha oylik ish haqi 5 982,3 ming so‘mni tashkil etib, ko'rsatkichlar o‘tgan yilning mos davriga nisbatan 17,2% ga o‘sgan.
Viloyatlar kesimida o‘rtacha maoshlar (ming so‘mda):
Viloyatlar kesimida o‘rtacha maoshlarga to‘xtaladigan bo‘lsak, Toshkent shahri 10 138,4 ming so‘m bilan eng yuqori ko‘rsatkichni qayd etdi. Undan so‘ng Navoiy viloyati 7 486,4 ming so‘m bilan ikkinchi o‘rinda turibdi. Toshkent viloyatida o‘rtacha maosh 5 674,4 ming so‘mni tashkil etgan.
Andijon (4 935,3 ming so‘m), Buxoro (4 787,3 ming so‘m), Sirdaryo (4 789,8 ming so‘m) va Qoraqalpog‘iston Respublikasida (4 757,2 ming so‘m) ham maoshlar mamlakat o‘rtachasiga nisbatan yuqori bo‘lgan.
Xorazm viloyatida ish haqi 4 720,1 ming so‘m, Farg‘onada 4 443,8 ming so‘m, Samarqandda 4 435,4 ming so‘m, Jizzaxda 4 476,8 ming so‘m va Namanganda 4 350,0 ming so‘mni tashkil etgan.
Eng past ko‘rsatkichlar Surxondaryo (4 256,5 ming so‘m) va Qashqadaryo (4 148,3 ming so‘m) viloyatlarida qayd etildi. Ushbu ko‘rsatkichlar hududiy iqtisodiy faollik, mehnat bozori sharoitlari va sohaviy rivojlanish darajasiga bog‘liq holda shakllangan.
