Abbosbek Fayzullayev “Istanbul Bashakshehir” klubi bilan besh yillik shartnoma imzoladi
O‘zbekistonlik yarim himoyachi yangi jamoasida 11-raqam ostida o‘ynaydi.
O‘zbekiston milliy terma jamoasi a’zosi, iqtidorli yarim himoyachi Abbosbek Fayzullayev faoliyatini Turkiya Superligasida davom ettiradi. 21 yoshli futbolchi “Istanbul Bashakshehir” klubi bilan besh yillik shartnoma imzolaganini klub matbuot xizmati rasman tasdiqladi.
Yangi jamoasida Fayzullayev 11-raqam ostida harakat qiladi. Klub rasmiy bayonotida:
“O‘zbekiston terma jamoasi futbolchisi Abbosbek Fayzullayev bilan besh yillik shartnoma imzoladik. Uni jamoadagi yangi bosqichida muvaffaqiyatli o‘yinlar kutib qolamiz,” — deyiladi.
Futbolchining transferi bo‘yicha tafsilotlar Turkiya matbuoti orqali oshkor qilindi. Unga ko‘ra, transfer qiymati 7 million yevroni tashkil etgan.
Eslatib o‘tamiz, Fayzullayev bungacha Rossiyaning Moskva shahri vakili — “SSKA” jamoasida to‘p surgan.
