JCH-2026: Ispaniya Saudiya Arabistonini yirik hisobda mag‘lub etdi
Mazkur bahsda Lamin Yamal Jahon chempionatidagi o‘zining ilk golini urdi.
Jahon chempionati H guruhi 2-turidan o‘rin olgan Ispaniya va Saudiya Arabistoni o‘rtasidagi bahs yakunlandi.
Uchrashuvda ispanlar to‘liq ustunlik namoyish etib, raqibini 4:0 hisobida mag‘lub etdi. Hisob 11-daqiqada Lamin Yamal tomonidan ochilgan bo‘lsa, Mikel Oyarzabal 21 va 24-daqiqalarda ketma-ket gol urib, birinchi bo‘limdayoq jamoasiga qulay ustunlikni taqdim etdi.
Ikkinchi bo‘lim boshida esa Saudiya Arabistoni himoyachisi Hassan Al-Tambakti o‘z darvozasini ishg‘ol qilib qo‘ydi va yakuniy hisobni o‘rnatdi.
Mazkur g‘alabadan so‘ng Ispaniya ochkolari sonini 4 taga yetkazib oldi va guruhdan chiqish masalasini deyarli hal qildi, Saudiya Arabistoni esa keyingi so‘ngi tur oldidan qiyin holatda qoldi. 1 ochkoga ega saudiyaliklar 3-turda Kabo-Verdiga qarshi maydonga tushadi.
