O‘zbekistonliklar 5 oyda sog‘liqni saqlash xizmatlariga 9,1 trln so‘m sarfladi

2026-yilning yanvar–may oylarida O‘zbekistonda sog‘liqni saqlash sohasida ko‘rsatilgan xizmatlar hajmi 9,1 trillion so‘mni tashkil etdi. Bu haqda Milliy statistika qo‘mitasi ma’lum qildi.

 

Qayd etilishicha, mazkur ko‘rsatkich o‘tgan yilning mos davriga nisbatan 14,7 foizga oshgan.

 

Sog‘liqni saqlash xizmatlari tarkibida 16,8 foizi tibbiy amaliyot va stomatologiya xizmatlari, 20 foizi shifoxona muassasalari xizmatlari, 63,2 foizi esa boshqa turdagi xizmatlar hissasiga to‘g‘ri kelgan.

 

Hududlar kesimida eng yuqori ko‘rsatkich Toshkent shahrida qayd etilgan bo‘lib, bu yerda sog‘liqni saqlash xizmatlari hajmi 4,2 trillion so‘mni tashkil etgan. Keyingi o‘rinlarda Toshkent viloyati (862,1 mlrd so‘m), Samarqand viloyati (694,1 mlrd so‘m), Farg‘ona viloyati (593 mlrd so‘m) va Andijon viloyati (428,9 mlrd so‘m) joylashgan.

 

Shuningdek, Namangan viloyatida 415 mlrd so‘mlik, Buxoro viloyatida 353,9 mlrd so‘mlik, Xorazm viloyatida 335,9 mlrd so‘mlik, Qashqadaryo viloyatida 332,7 mlrd so‘mlik, Surxondaryo viloyatida 238,4 mlrd so‘mlik, Jizzax viloyatida 221,3 mlrd so‘mlik, Sirdaryo viloyatida 169,7 mlrd so‘mlik, Qoraqalpog‘iston Respublikasida 158,6 mlrd so‘mlik hamda Navoiy viloyatida 157,9 mlrd so‘mlik sog‘liqni saqlash xizmatlari ko‘rsatilgan.