Qozog‘istonda YTH oqibatida 3 nafar O‘zbekiston fuqarosi halok bo‘ldi
Hozirda ularni Vatanga olib kelish choralari ko‘rilmoqda.
2026-yil 22-avgust kuni soat 06:47 da Qozog‘iston Respublikasining Qizilorda viloyatida og‘ir yo‘l-transport hodisasida 3 nafar O‘zbekiston fuqarosi halok bo‘ldi. Bu haqda FVV matbuot xizmati xabar berdi.
Ma’lum qilinishicha, KAZ06 davlat ahamiyatidagi “Qorabutak–Qizilorda–Chimkent” avtomobil yo‘lining 1831–1836-kilometrlarida, Birkazan tumani hududida “Nexia-2” va “Kamaz” rusumli avtomobillar to‘qnashgan.
YTH oqibatida “Nexia-2” avtomobili salonida bo‘lgan 3 nafar O‘zbekiston fuqarosi voqea joyida halok bo‘lgan.
Hozirda Favqulodda vaziyatlar vazirligi tomonidan mas’ul vazirlik va idoralar bilan hamkorlikda ishchi guruh tuzilib, halok bo‘lgan fuqarolarning jasadlarini Vatanga olib kelish hamda ularning oila a’zolariga zarur yordam ko‘rsatish bo‘yicha tegishli choralar ko‘rilmoqda.
Shuningdek, Favqulodda vaziyatlar vazirligi mas’ul xodimlari Qozog‘istonlik hamkasblari bilan doimiy aloqada bo‘lib, hodisaning kelib chiqish sabablarini o‘rganish yuzasidan hamkorlik qilmoqda.
