“Oydin dehqon bozori”da yong‘in chiqdi
Hozirda yong‘inning kelib chiqish sabablari aniqlanmoqda. Jarohatlanganlar yo‘q.
Toshkent viloyati Olmaliq shahridagi “Oydin dehqon bozori”da 30-avgust kuni tongda yong‘in sodir bo‘ldi. Hodisa oqibatida tan jarohati olganlar yo‘q.
FVVga ko‘ra, yong‘in soat 05:18 atrofida shaharning “Hamza” mahallasi hududida joylashgan bozorda yuz bergan. Voqea joyiga yong‘in-qutqaruv bo‘linmalari yetib kelib, alanga qurshab olingan.
Yong‘in soat 07:12 da o‘chirilgan.
Hozirda yong‘inning kelib chiqish sababi va hodisa oqibatida yetkazilgan moddiy zarar miqdori aniqlanmoqda.
