АҚШ ҳарбий кемалари Баҳрайндаги базани тарк этди
АҚШ денгиз кучлари Форс кўрфазидан чиқиб кетди.
Хабарларга кўра, сунъий йўлдош тасвирлари Баҳрайндаги АҚШ ҳарбий-денгиз кучлари 5-операцион флоти жойлашган базада АҚШ ҳарбий кемаларининг тўлиқ йўқлигини қайд этди.
Мониторинг маълумотларига кўра, илгари база акваториясида лангарда турган бир нечта жанговар кема, тўртта мина трали ва махсус операциялар кемаси ҳозирда мавжуд эмас. Уларнинг аниқ қаэрга йўл олгани ҳақида расмий маълумот берилмаган.
Мутахассислар бу ҳаракатни кескинлик даврида қўлланиладиган хавфсизлик стратегиясининг бир қисми сифатида изоҳламоқда. Ҳарбий кемаларни тарқатиш — уларни можарога яқин ҳудудлардан вақтинча чекиниши — ҳар хил флотлар томонидан можароларга тайёргарлик ва эҳтиёт чораси сифатида қўлланилади.
Шуни алоҳида таъкидлаш жоизки, Баҳрайндаги денгиз базаси Форс кўрфази ҳудудида стратегик аҳамиятга эга бўлиб, у Эроннинг жанубий қирғоқларига яқин жойлашган. Мазкур база нафақат АҚШ, балки Буюк Британия денгиз кучлари учун ҳам муҳим операцион марказ ҳисобланади.
