7 та нокаут қайд этилган UFC 268 турнири якунига етди
Бугун АҚШнинг Нью-Йорк шаҳрида UFC 268 мусобақаси бўлиб ўтди.
Кечанинг асосий жангида ярим ўрта вазн тоифаси вакили Камару Усмон ва Колби Ковингтон ўртасида кечди. Жанг тўлиқ 5 раунд давом этди. Унда Усмон очколар эвазига ғалабани қўлга киритди.
Шу тариқа нигериялик яккакурашчи чемпионлик камарини ҳимоя қилди.
UFC оқшомининг мутлақ енгил вазн тоифаси чемпионлиги учун кечган иккинчи асосий жангида Роуз Намаюнас реванш жангида Вейли Жангни очколар ҳисобига енгди.
Навбатдаги қизиқарли беллашувлардан бири эса енгил вазн тоифаси вакиллари Жастин Гетжи ва Майкл Чендлер ўртасида бўлиб ўтди. Муросасиз кечган беллашувда Гетжи очколар ҳисобига ғалабани қўлга киритди.
Аввалроқ UFC 267 турнирининг асосий жангларида қандай натижалар қайд этилгани ҳақида хабар берилганди.
Жамшидбек Амиров
