Афғонистонда аёлларга юзини очиб юриш тақиқланди
Акс ҳолда, аёлнинг эркак қариндошлари қамоққа олинади.
Афғонистонда Толибон ҳукумати аёлларга жамоат олдида юзларини ёпишни буюрди.
Гуруҳнинг олий раҳбари Ҳайбатуллоҳ Охундзоданинг фармонида айтилишича, агар аёл уйдан ташқарида юзини беркитмаса, унинг отаси ёки энг яқин эркак қариндоши қамоққа олиниши ёки давлат ишларидан ишдан бўшатилиши мумкин.
“Биз дунёни Ислом Амирлиги ва Афғонистон халқи билан ҳамкорлик қилишга чақирамиз... Бизни безовта қилманг. Босим ўтказманг, чунки тарих гувоҳ, афғонлар босимдан таъсирланмайди”, — дейди Эзгуликни тарғиб қилиш ва ёмонликларнинг олдини олиш вазири Холид Ҳанафий матбуот анжуманида.
Аввалроқ Толибон ҳукумати қизлар учун ўрта мактабларни ёпиб қўйгани ортидан баъзи диний уламолар ва исломий давлатлар томонидан қаттиқ танқидга учраганди.
