Алексей Миранчукнинг харидори кўпайди
“Аталанта” ярим ҳимоячиси Алексей Миранчук январь ойида “Верона” клубига ўтиши мумкин.
Россиялик футболчи жамоадан кетишни истамоқда. Сабаби унга мунтазам ўйин амалёти етишмаяпти. Ҳозирги вақтда ярим ҳимоячига “Торино”, “Зенит”, “Женоа”, “Сассуоло” ва “Сампдория” клублари қизиқиш билдирмоқда.
Эслатиб ўтамиз, Миранчук “Аталанта” билан 2020 йил сентябрь ойида шартнома имзолаган эди. Россиялик футболчининг клуб билан шартномаси 2024 йилнинг 30 июнига қадар тузилган. Футболчи “Аталанта” сафида ўтган мавсум 39 та ўйинда майдонга тушиб, 7 та гол урди ва 3 та голли узатмани амалга оширди.
Аввалроқ “Аталанта” Миранчукнинг ўрнига бошқа футболчи топгани ва “ПСЖ” Икардини Агуэрога алмаштирмоқчилиги ҳақида хабар берилганди.
Жамшидбек Амиров
