Америкаликларнинг неча фоизи Россия ҳақида ижобий фикрда?
Бу кўрсаткич тарихий минимумга тушиб кетгани айтилмоқда.
Россия ҳақида ижобий фикрга АҚШ аҳолисининг 9 фоизи қўшилади. Ўтказилган ижтимоий сўровнома натижаларига кўра бу бўйича тарихий минимум қайд этилди.
Мазкур савол биринчи марта СССР парчаланишидан икки йил олдин, 1989 йилда берилган. Ўшанда респондентларнинг 62 фоизи СССРга ижобий муносабат билдирган.
Кўрсаткич 1990 йиллар давомида юқори бўлиб қолди, лекин Югославия инқирози даврида кескин ёмонлашди. Россиянинг маъқуллаш даражаси кейинги ўн йил давомида нисбатан юқорилади, фақат 2003 йил мартида (42%) ва 2009 йил февралида (40%) пасайди.
2015 йил март ойида респондентларнинг 24 фоизи Россияга нисбатан ижобий муносабат ҳақида гапирган, шундан кейин бу кўрсаткич 30 фоиздан ошмаган. 2021 йил бошида респондентларнинг 22 фоизи, ўтган йил бошида эса 15 фоизи Россия ҳаракатларини маъқуллаган.
Бу йил америкаликларнинг 90 фоизи Россияга салбий муносабат билдирган.
