"Biz Afg‘oniston xalqini qo‘llab-quvvatlash uchun 204 million dollarga yaqin qo‘shimcha gumanitar yordam ko‘rsatmoqchimiz", — dedi Ned Prays.
Shu tariqa 2021 yil avgustidan buyon yordamning umumiy miqdori 720 million dollarga yetadi. Bayonotga ko‘ra, bu pullar oziq-ovqat va suv sotib olish, asosiy tibbiy xizmatlarni taqdim etish, Afg‘oniston xalqini boshpana va huquqiy himoya qilish, gender asosidagi zo‘ravonlikka qarshi kurashga hissa qo‘shish, ichki ko‘chirilganlarning reintegratsiyasini rag‘batlantirishga mo‘ljallangan.
"Amerika Qo‘shma Shtatlari afg‘on xalqining gumanitar ehtiyojlarini qo‘llab-quvvatlashga sodiq qoladi", — deya qo‘shimcha qildi Ned Prays.