“Аристoкратлар” Рюдигер билан келишолмаяпти
“Челси” ҳимоячиси Антонио Рюдигер жамоани тарк этиши мумкин.
“Fabritsio Romano”нинг сўзларига кўра, футболчи Лондон клуби билан шартномани узайтириш бўйича бир неча ойдан бери музокара олиб бормоқда. Бироқ томонлар ҳозиргача келишувга эриша олишмаяпти. Футболчининг хизматларига “Реал Мадрид” қизиқмоқда. Мадрид клуби уни эркин агент сифатида жамоага таклиф қилмоқчи. “Бавария” ҳам Рюдигерни ўз сафига қўшиб олмоқчи эди. Аммо Мюнхен клуби футболчига унинг таклифидаги маошни бермоқчи эмас. Рюдигер ҳафтасига 200 минг фунт маош олмоқчи эканлигини маълум қилган.
Эслатиб ўтамиз, премьер-лиганинг жорий мавсумида 28 ёшли футболчи 15 та ўйин ўтказиб, 2 та голга муаллифлик қилди.
Аввалроқ, Тибо Куртуа “Реал Мадрид” билан 5 йиллик янги шартнома имзолагани ва Томас Тухел “Барселона”нинг таклифларига қарши чиққани ҳақида хабар берилганди.
Жамшидбек Амиров
