Арманистон ҳукумати Европа Иттифоқига қўшилиш қарорини тасдиқлади
Аъзолик масаласи референдумга қўйилиши мумкин.
Арманистон президенти Ваагн Хачатурян мамлакатнинг Европа Иттифоқига қўшилиш жараёнини бошлаш тўғрисидаги қонунни имзолади. Бу ҳақда президентнинг матбуот хизмати хабар берди.
Жорий йил январь ойининг бошларида Арманистон ҳукумати ушбу қарорни маъқуллаган бўлса, март ойининг охирида уни парламент ҳам тасдиқлаган.
Шу билан бирга, бош вазир Никол Пашинян бу ҳужжат имзоланган бўлсада Арманистоннинг тўғридан-тўғри Европа Иттифоқига аъзо бўлиши кафолатланмаслигини ҳам таъкидлади. Унинг сўзларига кўра, мамлакатнинг ЕИга қўшилиши масаласида якуний қарор фақат умумхалқ референдуми орқали қабул қилиниши мумкин.
